យើងគ្រប់គ្នាថតរូបជាច្រើន រៀងរាល់ថ្ងៃ គ្រប់ពេលវេលា ទោះបីជាទូរស័ព្ទយើងមានទំហំផ្ទុកធំយ៉ាងណាក៍ដោយ វាមិនអាចគ្រប់គ្រាន់ឡើយ។
នៅក្នុងអត្ថបទមួយនេះ ខ្ញុំចង់បង្ហាញពីដំនោះស្រាយមួយ ដែលជួយអោយលោកអ្នករក្សាទុករូបថត មិនកំនត់និងមិនអស់ថ្លៃអ្វីឡើយ។
ខ្ញុំចង់ណែនាំអោយលោកអ្នកប្រើ Google Photos.
អ្វីដែលលោកអ្នកនឹងត្រូវការ ក្នុងការប្រើប្រាស់ Google Photos គឺគណនី Google មួយប៉ុណ្ណោះ។
១. រក្សាទុករូបថតពីទូរស័ព្ទលោកអ្នក
សូមចូលទៅកាន់ទំព័រដើមរបស់ Google Photos, រើសប្រព័ន្ធប្រតិបត្តិការទូរស័ព្ទ ហើយតំឡើង app ជាការស្រេច។ លោកអ្នកអាចផ្ទៀងផ្ទាត់បាន ថាតើរូបថតទាំងអស់ នឹងរក្សាទុក ដោយស្វ័យប្រវត្តិឬទេ តាមរយះរូបភាពខាងក្រោម៖
ចំពោះ Upload size, ខ្ញុំគិតថាយកត្រឹម High Quality គឺគ្រប់គ្រាន់ណាស់ទៅហើយ។ បើសិនលោកអ្នកចង់ជ្រើសរើសយកទំហំដើម លោកអ្នកត្រូវបង់លុយ បើសិនជាប្រើលើសកំណត់។
២. វិធីបញ្ចូនរូបភាពពីកំព្យុទ័រ
ខ្ញុំទាយមិនខុសទេ ថាលោកអ្នកច្បាស់ជាមានរូបថតជាច្រើន នៅក្នុងកំព្យុទ័រ។ កុំបារម្មណ៍! ពេលនេះយើងអាចប្រមូលផ្តុំ រូបថតទាំងអស់ នៅក្នុងកន្លែងតែមួយ។
ដើម្បីបញ្ចូនរូបភាពពីកំព្យុទ័រ សូមចូលទៅកាន់ Google Photos ហើយជ្រើសរើសយក Desktop Uploader.
បន្ទាប់ពីតំលើងកម្មវិធីហើយ លោកអ្នកអាចឆែក ផ្លាស់ប្តូរឬបន្ថែម Folders រូបភាពរបស់លោកអ្នក ដើម្បីរក្សាទុក នៅលើពពក (Cloud)។
បន្ទាប់មក អ្វីៗនឹងដំនើរការដោយខ្លួនវា។ លោកអ្នកនឹងពេញចិត្ត នៅពេលបានរូបថតទាំងអស់ នៅផ្តុំគ្នាមួយកន្លែង។
រូបថតរបស់លោកអ្នក នឹងត្រូវបានរៀបតាមលំដាប់ ថ្ងៃ ខែ ឆ្នាំ។
ដើម្បីស្វែងយល់លំអិត អំពីអនុភាពរបស់ Google Photos សូមលោកអ្នកទស្សនាវីដេអូខាងក្រោម៖
បន្ទាប់ពីយើងបញ្ចូនរូបថតទៅអស់ហើយ Google Photos បានរៀបចំដោយស្វ័យប្រវត្តិ នូវវីដេអូ រូបផ្គុំគ្នា និងសាច់រឿងគួរអោយចាប់អារម្មណ៍យ៉ាងច្រើន។
ដូចជាវីដេអូមួយនេះជាដើម៖
ដើម្បីមើលនូវអ្វី ដែលបានរៀបចំទុកអោយយើង សូមមើលរូបខាងក្រោម៖
យើងអាចធ្វើការកែប្រែ ឬបន្ថែមពត៍មានផ្សេងៗបាន។ បន្ទាប់ពីយើងថតវាទុកហើយ យើងអាចរកវាឃើញ នៅក្នុង collections. យើងអាចចែកចាយ ទៅកាន់ Social Media ផ្សេងៗបានដោយងាយ៖
៣. វិធីលុបរូបថតនៅលើទូរស័ព្ទ ដើម្បីថតរូបបានទៀត
នៅពេលដែលលោកអ្នក បានបញ្ចូនរូបថតទៅលើពពក (Cloud) អស់ហើយ លោកអ្នកអាចលុបរូបថតនៅលើទូរស័ព្ទបាន។ លោកអ្នកត្រូវចូលទៅកាន់ Device Folders។ សូមមើលរូបភាពខាងក្រោម៖
ដោយសារជំនួយពី Google Photos ខ្ញុំមានលទ្ធភាពធ្វើវីដេអូខ្លីមួយ ដែលកក់ត្រាតាំងពីថ្ងៃដំបូងកូនខ្ញុំកើត រហូតដល់វាមានអាយុ៤ឆ្នាំ។
លោកអ្នកនឹងធ្វើបានដូចខ្ញុំដែរ!
ខ្ញុំសង្ឃឹមថាអត្ថបទមួយនេះ នឹងជួយអោយអ្នកកត់ត្រាពីជីវិតអ្នក និងក្រុមគ្រួសារអោយបានល្អជាងមុន។ បើលោកអ្នកមានចំងល់អ្វី អាចសួរខ្ញុំបាន។
ខេមរបក្សីនឹងព្យាយាមណែនាំនូវបច្ចេកវិទ្យាថ្មីៗ ដើម្បីជិវិតរុងរឿង នៅសប្តាហ៍ក្រោយទៀត។
The post វិធីរក្សាទុក (Backup) រូបថតជាមួយ Google Photos មិនគិតថ្លៃ មិនកំណត់ទំហំ appeared first on KhmerBird.
